ജാലകത്തിനപ്പുറം ഇരുള്‍ മാത്രമല്ല
നിലാവൂം കാണാമെന്നു മറന്നിരുന്നതാണു
ഇന്നതു വീണ്ടും ഓര്‍മ്മിപ്പിച്ചതു ഷഹാനയാണു
പരദൂഷണവും പരിഹാസവുമായി ഒരു ഒഴിവുവേള
ചിരിയൊ കരച്ചിലോ എന്നു തിരിച്ചറിയാനാവാത്ത
നജീബിന്റെ ശബ്ദം ആ മുറിയെ ഒരുമാത്ര നിശബ്ദമാക്കി
അഞ്ച് ബിയിലെ ഷഹാനയും ആറ് സിയിലെ ശിഹാബും
പ്രണയത്തിലാണത്രെ.........................
പിന്നീടുണ്ടായ വിചാരണയില്‍ ഷഹാന കരഞും
മറ്റുള്ളകുട്ടികള്‍ ചിരിച്ചും കാര്യങ്ങള്‍ പറഞ്ഞു
തല്ലിന്റെ കുറവു ‘ മാതപിതാക്കളുടേ ഗുണം
മാധ്യമങ്ങളുടേ സ്വാധീനം സാഹചര്യം കാരണങ്ങള്‍
കണ്ടെത്താന്‍ എത്ര എളുപ്പം
കുറ്റവാളികള്‍ തലകുംബിട്ടു നിന്നു
ഉപദേശങ്ങള്‍...ശാ‍സനകള്‍..മാപ്പുപറച്ചില്‍
രംഗം ശാന്തം.......എവിടെയോ ചില ഒളിനോട്ടങ്ങള്‍
മെസ്സേജ് ടോണുകള്‍..ദീര്‍ഘശ്വാസങ്ങള്‍.........

പുറ്ത്തിറങ്ങിയപ്പോള്‍ അവളെന്നെയൊന്നു നോക്കി
എന്തോ പറയാനുള്ളപോലെ..........
പതിവുള്ള ലൈബ്ബ്രറി സന്ദര്‍ശനം നേരത്തെയാക്കി
ഷഹാനയെയും കൂട്ടി.........
അവളുടേ കുഞ്ഞിക്കണ്ണുകള്‍ ചുവന്നിരുന്നു
ചോദ്യങ്ങള്‍ ആവശ്യമില്ലായിരുന്നു
വെറുതെയാ...എല്ലാം വെരുതെയാ
അവള്‍ തേങ്ങി.........നിലാവിന്റെ ഭംഗി ടീച്ചറല്ലെ പറഞ്ഞെ........
ഞാനത് കണ്ടെന്ന് പറഞ്ഞതാ അവനോട്
ഇന്നലെ രാത്രി...അവനപ്പോള്‍ റോഡിലിരുന്ന് പോസ്റ്റര്‍ ഒട്ടിക്കയിരുന്നു
അതും കണ്ടെന്നു പറഞ്ഞതാ..........
ഇനി നോക്കൂല ഞാന്‍ ഇരൂട്ടാ നല്ലത്.........

അവളു പറഞ്ഞ് പോലെ ഇരുട്ടാണു നല്ലതെന്നു
എന്നേയും വിശ്വസിപ്പിക്കയിരുന്നു ആരോ
പക്ഷെ ഇന്നെനിക്കു മനസിലാകുന്നു ഇരുട്ട് മറ്റാരിലോ ആണു
മറ്റെവിടെയോ ആണു........എനിക്കു ചുറ്റും നിലാവ് മാത്രാണു

നീണ്ട ഇടവേളയ്ക്കു ശേഷം ന്താന്‍ .........എവിടെയോ നഷ്ടപെട്ട വാക്കുകള്‍ എന്നെത്തേടി വീണ്ടും വന്നു .
കറുപ്പും വെളുപ്പും ഇടകലര്‍ന്ന പേജുകളിലേക്ക് നോക്കിയിരിക്കെ എന്റെ നഷ്ടം ഞാന്‍ മനസിലാക്കുന്നു .

വീണ്ടും

ഏകാകിനിയുടെ ഭാഗമായിരുന്നു ജീവിത നാടകത്തില്‍
അവള്‍ക്കെന്നും ......
ഇടയ്കെപ്പോഴോ ചില നിഴലുകള്‍ കു‌ട്ടുകാരായി
അങ്ങനെയങ്ങനെ അവള്‍ സംസാരിച്ചു തുടങ്ങി
തന്നോട് തന്നെയെന്ന മട്ടില്‍ നിഴലുകളോട്
പതിയെ മടിച്ചു മടിച്ച് നിഴലുകളിലോന്നു മുരടനക്കി
അവള്‍ ചിരിച്ചു ....ആ ചിരിയില്‍ അവളുടെ
വേഷവിധാനങ്ങള്‍ നിറം മാറി
സംവിധായകനും സഹ നടീനടന്മാരും
അന്കലാപ്പിലായി ..
തിരക്കഥ മാറ്റേണ്ടി വരുമല്ലോ
കാണികള്‍ കൂക്കിവിളിച്ചു സഹതാപിച്ചവരും ഉണ്ട്
രംഗ സജ്ജീകരണ ക്കാരന്റെ കൈ വിറച്ചു
വേദിയില്‍ പ്രകാശം പരന്നു
നിഴലുകല്‍ക്കൊപ്പം ചിരിയും മൊഴികളും
അപ്രത്യക്ഷംമായി ........
നാടകം ശുഭം ......

എന്റെ പരാജയം

ഇന്നലെ കണക്കെടുപ്പായിരുന്നു ..........
വാര്‍ഷിക കണക്കെടുപ്പ് അല്ല
ജയപരാജയങ്ങളുടെ ..സത്യാസത്യങ്ങളുടെ
പാപപുണ്യങ്ങളുടെ ..
നിന്റെ വാദങ്ങള്‍ സത്യങ്ങള്‍
മുന്‍തൂക്കം നിന്റെ താളുകള്‍ക്ക് തന്നെ
എന്റെ സത്യങ്ങള്‍ അപക്വങ്ങള്‍
പിന്തള്ളപ്പെടേണ്ടതും..........
പരാജയം ഞാന്‍ ഏല്‍കുന്നു
അതുകൊണ്ടുതന്നെ ശിക്ഷയും ...
കാലിലേക്ക് ചങ്ങലയും കൈകളിലേക്ക് കയ്യാമവും
സ്വയം അണിയിക്കുന്നു .,
നിന്നിലേക്ക്‌ ഓടിയെത്താതിരിക്കാന്‍
മാടിവിളിക്കാതിരിക്കാന്‍ ......

കറുത്ത കണ്ണുകള്‍ തുണിയാല്‍ മൂടി
വായില്‍ പഴന്തുണികള്‍ തിരുകി
ഇനിയെന്റെ കണ്ണുകള്‍ നിന്നെ കാണില്ല
എന്റെ പിന്‍വിളി നീ കേള്‍ക്കില്ല
ഉണര്‍ന്നിരിക്കുന്ന നാസികയിലൂടെ
നിന്റെ ഗന്ധവും കര്‍ണ്ണ ങ്ങളിലൂടെ
നിശ്വാസ ഗതിവേഗവും ആവാഹിക്കുന്നു
ഇനിയുള്ള ആയുസിലേക്കായി ..........

ഗീതകം

അവനെഴുതി അവള്‍ക്കായ് മാത്രം ......
ഒരിക്കല്‍ ..."നിന്റെ ഗീതകങ്ങള്‍ സുവിശേഷങ്ങള്‍ ആവുന്നു ''
അവള്‍ മൊഴിഞ്ഞു ....
ആര്‍ത്തിരമ്പി വന്നെത്തിയ മഴപോലെ
അവന്‍ പെയ്തു തോര്‍ന്നു ...
ഒരിറ്റു കണ്ണീരും ഒരുപാട് നൊമ്പരവുമായ്
അവള്‍ മിഴി പാര്‍ത്തു
വരില്ലെന്ന് ഉറപ്പായിട്ടും .........

വീണ്ടുമൊരു വസന്തം പോല്‍
ക്ഷീണിച്ച മിഴികള്‍ക്ക് മുന്നില്‍ അവന്‍ വന്നു
''അപരന്‍ ''........
അതേ തീവ്രത മിഴികള്‍ക്ക് ...അതേ കറുപ്പ് അധരങ്ങള്‍ക്ക്
ഭാഷയില്‍ മാറ്റമുണ്ടോ
അവനെഴുതി അവള്‍ക്കായ്‌ മാത്രം ...
അവള്‍ കരഞ്ഞു .....ഇനിയുമൊരു നിമിത്തമാവാന്‍ ...
കണ്‍പാര്‍ക്കാന്‍ മാത്രം ബാക്കിയില്ലെനിക്ക് ആയുസ്സ് ..........

മാലാഖ

പരിശുദ്ധിയുടെ നിറം പൂശി അവള്‍ വന്നു
ചുണ്ടില്‍ നേര്‍ത്ത പുഞ്ചിരി കവിളില്‍ നാണത്തിന്‍ അരുണിമ
കണ്ണുകളില്‍ നക്ഷത്രം പൂത്ത്തിരങ്ങുന്നു
അവള്‍ മൊഴിഞ്ഞു ''ഇഷ്ട്ടായി ഒരുപാട് ''
വര്‍ഷങ്ങളുടെ മടുപ്പില്‍ നിന്നും ...ചൂടില്‍ നിന്നും
പെട്ടെന്ന് വസന്തവും കുളിര്‍മയും നേടിയപോലെ
സിരകളില്‍ ഉഷ്ണ പ്രവാഹം
കടയില്‍ നിന്നു കറുപ്പും മാനത്തുനിന്നു നക്ഷത്രങ്ങളെയും ഏറ്റുവാങ്ങി
കാത്തിരുന്ന കുഴിഞ്ഞ കണ്ണുകളിലേക്കു നോക്കിയില്ല
വാശിപിടിച്ച മുഖങ്ങളിലേക്ക് കണ്ണുരുട്ടി
ശാസ്ത്ത്രത്തിന് നന്ദി ...സന്ദേശങ്ങള്‍ക്ക് മേഘങ്ങളെയും ഹംസങ്ങളെയും
ബുദ്ധിമുട്ടിക്കേണ്ട ..........
രാവുകള്‍ പകലുകളായി ജന്മവും സ്നേഹവും എനിക്കെന്നു
തീറെഴുതി ....എന്റെ മാലാഖ ........
ഈ മധുരം സ്നേഹം ഇത്രനാളും കിട്ടീലല്ലോ
ഇനിയെന്റെ ലോകവും സ്നേഹവും അവള്ക്ക് തന്നെ

കരച്ചിലും ശാപവചനങ്ങളും ഉത്തേജകങ്ങള്‍ ആയി
വടിയെടുത്ത് കയ്യില്‍ തരാനേ പാവം നല്ലപാതിക്കാവൂ
പകലുകളും രാവുകളും മാറിമാറി പ്രനയപ്പൂക്കള്‍
വിരിയിച്ചു ...........
തളിര്‍ത്ത ജീവിതത്തിലെ പുഴുക്കുത്ത്തായ ജന്മങ്ങളെ
കണ്ടില്ലെന്നു വെച്ചു

ഒരു മധുര് സ്വപ്നത്തില്‍ മുഴുകി ഉച്ചമയക്കം
അടുത്തുള്ള കുരിശുകളിലേക്ക് കണ്ണ് തുറന്നില്ല
ഉറുമ്പുകള്‍ ശല്യം ,,,,മധുരം കഴിച്ചു വന്നു കിടക്കും
ഉറവിടം തേടി ....പുണര്‍ന്നു കിടക്കുന്നു നാശജന്മങ്ങള്‍
കാലുയര്‍ത്തി തട്ടി....നിമിഷങ്ങള്‍ വേണ്ടിവന്നു തിരിച്ചറിവില്‍ എത്താന്‍
മാലാഖയെ വിളിച്ചു ........അഭിനന്ദനങ്ങള്‍ ഭൂമിയിലെ നിന്റെ ദൌത്യം സഫലം .................

കുഴപ്പം

നമ്മുടെ ക്ലോക്കിനു എന്തോകുഴപ്പമുണ്ട്
കണ്ടില്ലേ ആ സൂചികളുടെ മെല്ലെപ്പോക്ക്
നിനക്ക് തോന്നുന്നതാണ്
ഈ പൈപ്പിന് എന്താ പറ്റിയേ
എത്ര പതുക്കെയാ വെള്ളം വരുന്നേ
അത് അങ്ങനെ തന്നെ അല്ലെ
ഈ കണ്ണാടി മങ്ങിയിരിക്കുന്നു
എല്ലാം മങ്ങിയാണ് കാണുന്നത്
പൌഡര്‍ വീണതാകും
ഈ സാരിയാകെ നരച്ചു
സോപ്പുപൊടി വിലകുരഞ്ഞതല്ലേ
നിനക്ക് വാങ്ങാമായിരുന്നില്ലേ
ഓ ശകുനം മുടക്കാന്‍ നിക്കണ കണ്ടില്ലേ
നമ്മുടെ മോനല്ലേ
അമ്മയ്ക്കെന്താ കുഴപ്പം അച്ചാ ?
ഇന്നു ശമ്പള ദിവസാണ് മോനേ
എല്ലാം ഒന്നു കലങ്ങി തെളിയാന്‍
നാളെ നേരം വെളുക്കണം .....

വിശപ്പ്

വിശക്കുന്നവനു അപ്പമാകണം
തിരുവചനം നീ കേട്ടതല്ലേ
കണ്ണിന്‍റെവിശപ്പകറ്റാന്‍
നിന്‍റെ കണ്ണുകള്‍ മതി
കാതിന്ടെവിശപ്പകറ്റാന്‍
നിന്‍റെ മൊഴികള്‍ മതി
അധരങ്ങളുടെ വിശപ്പകറ്റാന്‍
നിന്‍ മന്ദഹാസം മതി
വിശപ്പെന്ന് മണക്കുന്ന നാസികയെ
നിന്മുടി യിലെ തുളസിക്കതിര്‍
അനുനയിപ്പിക്കുന്നു
വിശക്കുന്ന ഹൃദയത്തെ
നിന്‍ പ്രണയം നിറയ്ക്കുന്നു
അങ്ങനെ നോക്കുമ്പോള്‍
നീ എന്റെ വിശപ്പാകുന്നു
അപ്പവും ..................